نظارة جوجل الذكية

                        نظارة جوجل الذكية

أكيد عرفت من العنوان إن جوجل بقي عندها دلوقتي نضارات و دة 

معناه إن حتي النضارات دخلت عالم الأجهزة الذكية. إزاي النضارات 

ممكن تبقي ذكية؟ بتعمل إية؟ سعرها كام؟ لية ممكن أحتاجها؟ 

هي دي الأسئلة إللي حنجاوب عليها في التقييم دة.

             
                     التصميم و الأداء

متخليش الإسم يخدعك لإن دي مش نضارات حقيقية, يعني 

ملهاش عدسات زي نضارة النظر بتاعتك. النضارة معمولة من 

تايتانيوم خفيف جداً و مكعبانت بلاستيكية شفافة (العدسات) 

عليها 

كاميرا علي العدسة اليمين مع سماعة و جهاز يعما باللمس جمب 

الأذن اليمني. ممكن تلبس النضارة دي لوحدها, مع نضارة النظر أو 

مع نضارة الشمس. الإطار بتاع النضارة مرن عشان تقدر تلبسها 

بسهولة منغير ما تقلق إنها تتكسر. الألوان المتوفرة منها هي اللون 

الرصاصي, البني, البلاتقالي و اللبني عشان تناسب معظم الأذواق. 

الرام 1 GB و الذاكرة الداخلية 16GB يعني تقدر تحفظ عليها صور, 

فيديوهات, موسيقي و تطبيقات من غير ما تقلق إن النضارة تشتغل 

ببطيء أو ذاكرتها تتملي.

                      

                 المميزات و التطبيقات


لسة ماردناش علي أهم سؤال. النضارة دي بتعمل إية؟ نضارة 

جوجل الذكية بتقدملك شاشة إفتراضية محش يقدر يشوفها غيرك. 

تقدر تستخدم النضارة دي عشان تعمل مكالمات, تسمع موسيقي, 

تفتح الإنترنت أو حتي تصور أي حاجة من غير ما تحتاج تستخدم 

التابلت أو الموبايل كل إللي محتاج تعملة إنك تبص من النضارة 

إللي 

إنت لابسها. حتحتاج تنزل تطبيق نضارة جوجل الذكية علي موبايلك 

الأول عشان تقدر تحمل التطبيقات و تضيف كل أرقام التليفونات 

الي إنت عايزها. إزاي تقدر تعمل كدة؟ تقدر تتفاهم مع النضارة من 

خلال شريحة اللمس إللي موجودة فيها أو تقدر بمنتهي البساطة 

تكلمها, أيوة نضارة جوجل الذكية بتقدر تفهم و تنفذ أي أوامر 

صوتية. 

مثلاً ممكن تقول للنضارة إتصلي بفلان و النضارة " إللي طبعاً 

متوصلة بموبايلك" حتتصل بيه

قدر كمان تحمل تطبيق إللي بيحدد إذا كنت لابس النضارة ولا لأ و 

بالتالي النضارة تشتغل بشكل أوتوماتيكي أول ما تلبسها و تقفل 

أول ما تقلعها. النضارة كمان فيها 5 ميجا بكسل بتصور بسرعة 10 

كادرات HD في الثانية و دي مش أحسن سرعة لكن لو فكرت إنك 

بتستخدم السرعة دي و إنت بتصور بالنضارة عشان فية حاجة 

حصلت بسرعة و مش عايز تفوتها أكيد حتكون مبسوط إن معاك 

نضارة بتخليك تصور. من العيوب إللي موجودة في النضارة هي إن 

بطاريتها بتخلص بسرعة جداً و دة حيخليك تحتاج تشحنها كل 

ساعتين تقريباً. الشحن بيكون من خلال كابل المايكرو USB إللي 

بيجي مع النضارة. كمان فية تطبيقات كتير لسة مش بتشتغل علي 

نضارة جوجل الذكية زي الفيس بوك و التويتر.

الشبكات


نضارة جوجل الذكية بتشتغل من خلال 3 أنظمة أول واحد هو 

شبكة 

البلوتوث إللي بتوصللك بالموبايل عشان تقدر تعمل مكالمات أو 

تبعت رسايل. أما لو عايز تستخدم الإنترنت يبقي لازم النضارة 

تتوصل بشبكة الWiFi, لكن لو عايز تصور أو تسمع موسيقي تقدر 


تعمل كدة من غير ما توصل النضارة بأي شبكات. من المميزات 

اللي 

في نضارة جوجل الذكية هي إنها تقدر تشتغل مع أنظمة أندرويد 

و آي أو إس.

                         

                                       لية ممكن أشتريها ؟

لازم الأول تكون عارف إن سعر نضارة جوجل الذكية حوالي 1,500 

دولار و دة حوالي 10,000 جنية, لو تقدر 

تدفع المبلغ ددة يبقي أكيد مفيش مانع إنك تجرب تستخدة 

التكنولوجيا الجديدة دي. مش حتكون محتاج إنك 

تجرب النضارة دي أو حتي تلمسها كل إللي حتكون محتاجة هو 

إنك 

تقولها إنت محتاج تشوف أو تعمل إية و 

هي حتنفذلك إللي إنت محتاجة و دي أكيد ميزة و إنت سايف, 

بتتمرن, بتشتغل أو حتي مكسل. النضارة دي 

تعتبر أول محاولات جوجل في المجال دة و عشان كدة بنتوقع إن 

في المستقبل تكنولوجيا النضارات الذكية 

تكون متطورة عن كدة بكتير و دة سبب يخليك تستني شوية قبل 

ما 

تشتريها.